【希望小春雞…】黎諾懿:聽講咁樣會提高生女機會…

黎諾懿最近為連鎖食店拍攝咖喱牛腩廣告,今次拍咖喱廣告,但原來佢對煮咖哩亦相當有心得,佢話:「喺屋企一向都係佢作『煮』,由於我好鍾意食果香味嘅咖喱,但自己煮嘢食時又唔鍾意落糖,鍾意加入果蓉做調味。老婆最喜歡吃我煮嘅咖喱湯烏冬,我們口味真係好相近㗎!」

去年榮升做老竇嘅黎諾懿,得閒就會陪下囝囝「小春雞」,佢話唔想錯過囝囝任何嘅成長過程。佢話:「小朋友大得好快,小春雞識得企起身行五、六步,唔使六日,真係每日都唔同㗎,有日我上網時,佢突然攬住我叫爸爸,真係好窩心呀!」佢仲話最近阿仔愛上動物,所以佢就會帶佢去動植物公園、去酒樓時就帶佢去睇魚魚,呢啲都係佢哋一家三口,經常嘅家庭活動。

母親節一家三口慶祝,好sweet,佢仲想快啲生個妹妹陪小春雞㖭!(ig圖片)

 

小春雞都已經歲幾,黎諾懿話已經急不及待咁想迎接第二個小生命,計劃緊生女,湊成一個「好」字,佢話:「我真係希望生個『豬女』,湊成個『好』字,同時都希望『小春雞』多一個妹妹陪伴成長。」為咗追女,佢仲喺坊間尋找偏方:「聽講多食辣會提高生女機會,所以我打算帶老婆食多啲咖喱!」

你睇小春雞幾開心!

 

 

 

 

(apple daily)