【好姊妹摸肚送祝福】有小小驚喜:感謝TVB!

唔見咗一排聽日就係佢43歲生日,佢一班好姊妹提前同佢慶祝,噚晚佢就上載咗同班姊妹嘅合照上Instagram,相中佢班好姊妹偏偏摸住佢個肚腩位置,嗱!呢個摸肚動作,真係令人有錯覺,睇落以為佢有咗,有人留言問佢係咪有咗?不過心水清嘅朋友,就估到唔係仲留言話︰「佢哋嘅種作似祝賀你有喜咁喎。」

除咗呢張相,杜如風仲上載咗張素顏樣,當時佢應該身在大台,仲要擘大個口添,捧住個馬騮公仔圖案嘅蛋糕相,佢留言話︰「第二個生日蛋糕!但係我仲未生日!感謝TVB的團隊!」

仲有條片就影住佢,見到班幕後工作人員,邊唱生日歌邊捧蛋糕出嚟,佢個樣有小小驚喜,接過蛋糕時唔小心整跌咗個寫住「身體健康」嘅牌,工作人員執番抹下再擺番上寺。之後年長啲嘅節目監製行出來,以長輩口吻叮囑佢︰「生性呀!」佢就答︰「我幾時唔生性呀,生性咗好多啦!」睇番條片入面嘅佢,身型略肥,唔似有喜!

(蘋果日報)