【想搵人share一齊擺酒】最理想係10月6日結婚:o依家搵緊場地

    日前拖實女友喺鑽石山舉行嘅婚紗展睇婚紗兼試婚戒,原來婚期已經定咗!不過仲未搵到場地:「好多地方都full晒,如果訂咗位,唔知可唔可以Share返啲出嚟,一齊擺!我哋諗住8、9月喺先香港影婚紗相,之後希望可以出去其他地方影。」

    韋家雄今年年初罕有在fb與圈外女友Keynes公開放閃,之後又坦言有計劃在今年閃婚,日前韋家雄喺鑽石山舉行嘅婚紗展,拖實女友睇婚紗兼試婚戒。

    韋家雄今日喺觀塘出席電影《擊鬥女神》開鏡拜神,講到婚期,佢話:「o依家搵緊場地,希望喺10月6日,或者11月,不過原來10月6日嗰日係最好日,好多地方都full晒,如果訂咗位,唔知可唔可以Share返啲出嚟,一齊擺!」佢仲話o依家安排咗影結相:「我哋諗住8、9月喺先香港影婚紗相,之後希望可以出去其他地方影。」

    不過今次韋家雄喺戲中飾演經理人,影相嗰陣俾班女包圍,認真好艷福,問到佢有冇擔心女友呷醋,佢笑笑口話:「冇幾可呀?我鍾意呀,佢好大方,信我冇人吼!」同場嘅郭思琳喺戲中做退役拳手,佢平時有學巴西柔術,O依家已係藍帶一段,佢唔怕拍戲打傷,亦唔驚錯手打傷對手:「唔驚,少少拳拳到肉先逼真,我打開比賽,周身瘀仲好,唔使特技化妝。」

    (蘋果日報)

     

    SHARE