【原來…】容祖兒驚喜現身!

千辛萬苦,龍虎豹蛇終於RE-u喇!

之前祖兒因為美國簽證過期,去唔到洛杉磯出席阿嬌嘅婚禮。以為當時人就咁算數?留番香港飲佢嗰餐?唔是啦!祖兒今次真係諗盡計仔,終於搞得掂簽證問題,依家,人已在洛杉磯!龍虎豹蛇見面喇!再多「!」都不足以形容準新娘阿嬌此刻心情!

祖兒話;「傻人有傻福,經歷了最驚險的四天,機票改了又改,噚晚出境又唔記得帶身分證,在飛機又成晚瞓唔着,到埗後仲唔見咗頂帽,頭大容量細的悲歌。「總之過程唔重要最緊要結果。我終於在最後一刻拿到簽證,可以給我最親愛的嬌一個驚喜,開心感動刺激兼而有之。我嘅人生好像過山車一樣,祝明天一切順利!」

阿Sa都話:「Finally!!!! 經過數日嚟嘅努力,終於噚日攞到簽證,即刻買到機票飛過嚟!真係孝感動天 #齊腳#開枱#全世界最大頭蝦嘅容祖兒#去到機場又唔記得帶身分證#仲跌埋頂帽喺機場#係咪激死#不過過程唔重要#最緊要結果」

Yumiko鄭希怡就話:「這個齊人,得來不易……過程幾艱辛,唔重要,最緊要⋯我哋齊人…開枱!!#龍虎豹蛇#姊妹同心#其利斷金」阿嬌呢?佢當然唔會寫出嚟啦!

(蘋果日報)