15年港姐季軍郭嘉文坐穩「小小超」李澤楷嘅千億女友寶座，呢兩年不停陪小小超周遊列國嘆世界，唔使做純粹吃喝玩樂又一日。不過，原來噚日郭嘉文病咗，佢喺社交網貼戴口罩抱愛犬相，留言：「同病相憐…儍豬佬」，由於相片玩黑白feel，低頭垂目嘅郭嘉文顯得楚楚可憐，唔知小小超有冇陪佢去睇醫生呢！
千億女友郭嘉文抱愛犬呻病（網上圖片）
郭嘉文呢隻愛犬叫做Oscar，上個月做老竇生咗幾隻狗BB，郭嘉文喺社交網貼相分享「抱孫」喜悅，寫道：「你們都太可愛了，捧在手上軟軟的咖啡麻糬寶寶，卻是很有生命力的在叫媽媽，要健康啊！」
郭嘉文嘅愛犬Oscar（網上圖片）
自從升呢做咗「楷女郎」，郭嘉文去年即同大台解約，依家不但出入有司機接送，更傳獲小小超送贈價值一億九龍塘豪宅。郭嘉文閒來喺屋企玩下狗之外，原來佢與同屆友誼小姐林凱恩保持聯絡，日前佢哋約埋去搵梳乎里朝聖。
兩人鬥擺chok pose影相，郭嘉文留言：「有了想保護的人，自然變得強大起來，面對曱甴也不怕。」莫非係對緊小小超李澤楷講？
郭嘉文晒靚相，獲網友讚長腿夠直。（網上圖片）
(APPLE DAILY)
