【聲言唔會後悔】遭未婚夫警戒:唔好對我BB做啲乜呀!

    早前宣布懷孕,她透露目前已懷孕4個月,並已確認佗B仔,她說:「都肥咗,由47kg到51.5kg,都有少少升Cup……」問到會否休息養胎,她直言恨放假:「會去個旅行,之後返嚟唔做啲唔使咁弗嘅工作。(生咗再補婚禮?)之前有諗旅行結婚,但真係好攰,所以取消埋,會喺6個月註冊,然後同屋企人食餐飯,佢屋企人都會由澳洲過嚟,可以正式嗌老公!(影咗婚照?)之前喺香港影咗輯Casual嘅,之前做好多婚紗騷,依家結婚我反而唔想着,因為佗B身形唔靚,同埋我唔想做焦點,屋企人都有問我會唔會後悔,我係唔會嘅,我想一切從簡,或者BB百日宴先慶祝,咁樣就舒服好多。」

    藝人林芊妤(Coffee)又笑言BB好腳頭,懷孕後亦接了不少工作:「都有要做高難度瑜伽,我會就住BB,大家唔使擔心,亦唔好睇小大肚婆,其實大肚婆做到好多嘢,我見有國外媽咪仲會做倒立。(未婚夫擔心?)佢好了解我,知我好Tough,係不到黃河心不死嘅個性,不過佢都有告誡我唔好咁操勞,仲話『唔好對我BB做啲乜呀!』(有孕吐?)冇乜唔舒服,係開始時有啲眼瞓,好似食咗安眠藥咁,同埋皮膚差咗、肥咗。」

    林芊妤(Coffee)

     

     

    (on.cc

    SHARE