大陸男星黃曉明尋日出發到台灣參加今日舉行嘅電影節，佢受訪時直言希望追多個女，湊成好字！同老婆Angelababy育有一子「小海綿」嘅曉明，去年為咗陪伴家人而減產。當問到想唔想再生B時，佢直言希望為囝囝添一個妹妹，不過佢就話要睇Baby意願：「尊重我老婆的想法，身體受累的是她。」
其實曉明已經多次放聲氣話想再生，不過Baby之前就講過要過幾年先：「等小海綿4歲左右，就會想要第二個小孩子。」依家小海綿1歲幾，唔通曉明又係要繼續等待？
另外，現年40歲嘅曉明獲大讚後生咗，佢就好開心咁話：「我覺得現在更年輕了，將近一年沒工作，陪家人比較多，臉才會又白又嫩。」佢坦言要開始思考人生，揀戲會更慎重啲，但唔代表唔工作，因為要賺錢養家！
(on.cc東網)
