【力撐王菲】為李嫣慶祝生日超溫馨

上個月27號係王菲囡囡兒李嫣嘅12歲生日，日前喺嫣然天使基金官方微博，就貼咗王菲戴住寶貝女李嫣設計嘅熊貓鏈墜，佢仲搵咗好多藝人好友幫手宣傳，成件事真係好有愛呀！

溫馨嘅事梗係接二連三咁發生，日前有網民喺微博貼咗幾張相，原來係王菲為李嫣慶祝12歲生日嘅合照，雖然阿菲平時cool到爆，但係一企喺阿女嘅身邊，即刻流露一幅慈母樣。

睇埋佢錫錫阿女，直頭感覺極溫馨，呢個網民專登留言：「王菲管孩子需要告訴你嗎.jpg」，似乎為阿菲平反唔管教女嘅傳聞。

(蘋果日報)