已經定咗BB嘅。。。佢接受訪問時，承認喜訊，問到生埋今胎會否封肚？現年40歲的她笑言：「我都一把年紀喇，哈哈，夠喇，今胎都佗得辛苦，可能隔得太耐。」
幸福人妻汪琳（Irene）由昔日的無綫「電波少女」變身成今日的「好老婆、好媽咪」，2008年與商人張忠弦（Joey）結婚，今年女兒張梓彤（Kesha）已經6歲，最近她更再次有喜，而今胎是兒子，成功湊夠「好」字，幸福滿瀉！
兩個夠晒數
汪琳接受訪問時，承認喜訊，問到生埋今胎會否封肚？現年40歲的她笑言：「我都一把年紀喇，哈哈，夠喇，今胎都佗得辛苦，可能隔得太耐。」為張家再添一名小成員，老公會否有獎勵給她？Irene笑言：「佢不嬲都有啲小驚喜畀我，冇諗過要獎勵，個天已經獎咗畀我，冇乜所謂，加上囡囡又好開心都想有細佬妹陪，多謝上天安排！」
下個月生得
現在腹大便便的她笑指最希望盡快「卸貨」，她謂：「最好快啲到7月卸貨，跟住坐月，之後陪囡囡升小一，其實啲時間真係啱啱好，坐完月就陪囡囡開學，佢啱啱幼稚園畢業，成績好好，我都有同佢行街買嘢獎勵佢，氹佢開心。」
影全家福
早前汪琳「一家四口」影靚相，他們更拿着各自的英文名字字頭模型影相，而肚內BB則已定了英文名的字頭是「L」，原因是「I、J、K、L」一直排落去，十分有趣！
(on.cc東網)
