【喜事變⋯】方中信一家心情跌落谷底

    型男方中信與太太莫可欣6月7日結婚10周年,原本相約一眾好友重返二人當年擺婚宴的酒店大肆慶祝,想不到突然有事,令符家(方中信原名符力)上下愁雲慘霧,一向Cool爆的方中信心情更跌落谷底。


    據悉,愛犬Bijoux 6號晚突然不適,方中信連夜送牠往獸醫診所留醫,證實心臟有問題,至翌日情況開始惡化離世。方中信眼見一屋女人包括太太可欣、女兒迦晴及自己媽媽全部爆喊,他心情亦相當沉重,不過由於早已邀約友人包括曹永廉、蕭正楠、黃翠如及鮑起靜夫婦等,在處理愛犬身後事後,他隨即往尖沙咀一間六星級酒店,會合親朋食飯「散心」。

    可欣感激好友陪伴

    方中信接受電話訪問坦言:「結婚咁耐,今年結婚周年真係最難忘喇!7號一知Bijoux唔係好妥,我哋去學校湊埋迦晴放學,大家去見佢最後一面。(再養番隻?)依家屋企仲有一隻,短期內都唔好搞住喇。(送乜畀太太?)冇呀,但嚟緊佢會飛返去瑞士探親,我就飛去意大利會合佢,大家一齊玩吓囉。」


    可欣則心情久久未能平復,受訪時聲音明顯沙啞:「7號嗰日好多事,又打風、Bijoux又突然出事,我哋即刻要做一啲決定,個腦實晒乜都諗唔到。好感激一班好朋友嘅陪伴,冇咗佢哋嘅話,我諗我哋只會匿喺屋企喊!」可欣更指Bijoux當年曾陪方中信拍攝手錶廣告,可見感情相當深厚。

    方中信酒後發呆

    據悉,方中信於派對上「幾杯到肚」,即坐在一角發呆。身為其好友的曹永廉坦言:「我本身都有養狗,但估唔到佢錫狗錫到咁嘅地步…(送乜畀方中信夫婦?)我送咗個佛像畀佢哋,希望喜歡啦。」而方中信女兒迦晴6月9日10歲生日,派對上方中信及可欣推出蛋榚為女兒提前慶生,並拍下全家福。

    (on.cc東網)

    SHARE