歌手吳雨霏（Kary）今年2月宣布懷孕喜訊，依家佗B接近9個月。雖然佢之前同好姊妹鄧麗欣（Stephy）同區文詩（Angela）飯敍時收起巨肚，但今日佢再喺社交網晒出近照，巨肚終於「重見天日」。
Kary嘅小寶寶就出世，原來Kary媽媽都係六月出生㗎，今日就係佢32歲嘅生日喇，兩個六月之星，仲好大機會都係雙子座添，將來洪爸爸喺六月都會好忙，要為兩位壽星預備慶祝活動，或者又可以一齊慶祝，真係好開心呢！而準媽媽剛才就喺ig貼一張同老公嘅相，相中見到身紅色背心花裙嘅Kary，笑得好開心咁依靠住Brain肩膊，前面就有一個生日蛋糕，Kary留言：「So blessed. Thank you all」，真係好sweet㗎！
有網民亦留言祝Kary生日快樂，仲有網民話：「You r so sweet，隔住個mon都感覺到您好幸福」。
手臂依然相當纖幼，果然得天獨厚！Kary仲笑到見牙唔見眼，真係幸福滿瀉！
(on.cc)
