「煒哥」陳煒於《宮心計2深宮計》中飾演「太平公主」，在劇中她大晒演技，將公主的氣勢演得淋漓盡致，更被同劇演員胡定欣、蕭正楠等力撐問鼎今年視后，大批網友及觀眾都希望陳煒可以跑出！
「民間視后」回復單身已有一段時間，早前佢透露唔抗拒圈中人追求。大家以為機會嚟？點知，呢日佢就喺微博突然宣佈：「今天有仔約我。」仲上載咗一張約會照。睇真啲，原來陳煒約會嘅對象係一位小朋友，而呢位對象就係喺新劇《危城First Lady》裏飾演佢囝囝嘅小演員Oscar，兩人仲頭貼頭影合照，可見佢哋關係非常好！劇集煞科後，兩人仲不時相約食飯。
一班粉絲睇到陳煒話約咗仔原本都嚇咗一跳，不過識做嘅陳煒即時「補鑊」，上載一張靚靚自拍照派福利，大家又收唔收貨先？
(on.cc)
