【好似發左場夢咁】容祖兒今次真係禍不單行…

    天后容祖兒(Joey)早前就去咗美國一轉,咁其實佢喺當地做過啲咩呢?今日佢就喺社交網上載咗條片,回味吓喺當地嘅經歷。

    睇佢個款好Enjoy!

    首先見到Joey一早就出門諗住去排隊食早餐,點知就見到成村人喺度排緊隊,搞到佢有啲失望。

    一開始見到人山人海,Joey都即走人。

    唔緊要,佢就轉場去咗夾糖,不過,出名烏龍嘅佢又自爆:「慘喇,唔見咗隻耳環呀!」

    仲連耳環都唔見埋…

    食唔到早餐又唔見耳環,真係禍不單行呀!不過都無損Joey嘅心情,因為好快畀佢搵到間糖果店去夾糖,佢仲一邊夾一邊話流晒口水。

    去埋夾糖!

    見到Joey邊夾邊笑,真係好開心。夾完糖,Joey就再返轉頭去食早餐,皇天不負有心人,見Joey終於排到入店準備落order,但點知好似有啲三心兩意,望住個餐排喺度諗,最後就話想食牛油果添!

    轉個頭又去番間餐廳食嘢。

    Joey喺社交網留言話:「由於喺美國呢個旅程太短。好似發左場夢咁,趁尋晚喺屋企剪畀番畀自己回味一下。益埋大家啦。」

     

     

    (on.cc)

    SHARE