【細女Simsim直接話唔鍾意爸爸】陸永語重心長希望囡囡…

    陸永同索爆老婆Reina育有兩女,噚日係細女Simsim嘅5歲生日,兩夫婦分別喺社交網晒相祝福心肝寶貝,陸永語重心長留言:「陸臭sim,生日快樂,上年生日都仲話緊唔鍾意baba,但係今日已經識作一個《我有最好baba》嘅故事講俾我聽,真係好進步!祝你一年開心過一年,每年愛你呀(阿)ba多一些!」

    老婆Reina就擺咗Simsim同蛋糕合照,寫道:「生日快樂,繼續健健康康做個怕攰但係會幫媽咪做嘢、粗魯但係貪靚、怕嘈但係講嘢大聲、正經得嚟又搞笑嘅開心果啦!#612 #五歲啦 #全家最愛嘅小寶貝」

    大女同爸爸一支叉兩份食蝦餅(網上圖片)
    仲向爸爸送香吻(網上圖片)

    陸永終於得到兩位大、小「前世情人」嘅愛,開心爆燈!

    陸永終於得到兩位大、小「前世情人」嘅愛(網上圖片)

    搞到索爆老婆都呷醋,喺網上貼咗條陸永同「大情人」6歲大囡Kenzie共享蝦餅短片,呻道:「搞到ah Sim又要我陪佢學佢家姐同ah Ba咁食蝦餅,咁樣食嘢好唔過癮囉!#大啖大啖咁食先滋味㗎嘛#搞咁多屎棍#使唔使咁浪漫!」網民爆笑留言:「最強小三」、「真係攞命呀!」

     

    (apple daily)

    SHARE