【疑有第三者】余香凝:其實一路同佢嘅關係…

廣告

講到陳家樂接受周刊訪問時落淚認分手,再問是否跟第三者有關?余香凝低聲謂:「真係絕對唔關事。」

廣告

「其實係大家坐低,雙方協議去傾。」是否大家都傷心?余香凝不斷點頭:「最後大家係達成一個共識。」有否機會復合?余香凝稱:「……將來嘅嘢唔講住,o依家都真係做好自己嘅嘢先。」世界盃今晚開鑼,今年四月陳家樂同余香凝穿上阿根廷波衫,留言相約去睇世界盃。問到當時感情是否仍未變?余香凝說:「er……其實一路同佢嘅關係,有一啲問題係……唔一定同大家講嘅。咁所以……我哋嘅問題,其實我哋一路都處理緊。」而喺5月,就有讀者見到陳家樂同余香凝着住德國波衫,同陳家樂家人食飯。

廣告

余香凝稱同Victor唔係拍拖,但將來會否有發展機會?她再解釋:「其實都真係唔會去諗呢樣嘢,因為同佢真係冇任何嘢,同佢只係做嘢,為咗間舖頭。」對於有傳聞Victor係「模特兒殺手」,她稱:「其實我覺得對佢係好大影響嘅,始終拉咗佢一個唔關事嘅人入嚟,仲有好多報道,我要同佢講番聲對唔住。」六月分手,但拍到余香凝去Victor屋企又係同月嘅事,咁陳家樂當中是否亦有誤會?余香凝就話:「er……呢啲嘢我哋會自己再去傾。」

廣告

 

 

(apple daily)