【不幸患末期癌症】張敬軒落淚:每次錄歌前都要打嗎啡…

張敬軒在今晚紅館個唱上,不避嫌唱一首關於密友關智斌的歌——為對方作曲的《預言書》。感性地謂:「去年喺我嘅生活中,經歷比工作搵錢更加重要嘅事,經歷過幾次生離死別,好多謝大家支持,選擇睇我嘅演唱會,之前賣飛睇住黑洞表(絕望座位表),我都唔好意思,噚晚自己仍然分緊飛,感恩大家支持我。」

軒仔透露之前認識位年輕人,對方好鍾意音樂,名字叫Toby。他說:「我見到佢,就好似見到以前嘅我,覺得好鼓舞,但呢個年輕人患咗末期癌症。我放工會去探佢。佢最後一段時間,我同佢錄咗幾首歌,每次錄歌之前都要打嗎啡,打完嗎啡再錄歌,我但願我有呢個勇氣,有佢嘅毅力完成夢想。

軒仔說:「我見到佢,就好似見到以前嘅我。」

「我應承過佢,將同佢合唱歌收錄唱片、帶上紅館……Toby,我哋今晚上紅館。」語畢,軒仔獻唱《預言書》,唱到中段感觸落淚,更跪地而唱。

張敬軒將與末期癌病男合唱歌擺喺新碟。


鏡頭前的他總是一臉笑容,但每次錄歌之前,Toby都要打嗎啡止痛。

軒仔為Toby獻唱《預言書》,唱到中段感觸落淚,更跪地而唱。

 

 

 

(apple daily)