【就算係道具都好】大呻奪冠7年都仲未攞到后冠!

    當年佢以大熱姿態喺面試到決賽當晚都成為焦點,雖然佢俾其他佳麗批評為孤獨精,但係最後都壓倒其他佳麗成為冠軍,不過加冕之後冇人祝賀,連亞軍、季軍都冇獻吻,成為一時嘅話題!

    當年馮雪冰以大熱姿態當選!(資料圖片)

    馮雪冰當年被指係「獨孤精」,大熱封后。(資料圖片)

    消失咗一段時間嘅冰冰,今日現身亞姐「大中華賽區」啟動儀式嘅活動,對於再辦亞姐,馮雪冰當然覺得好開心,仲話亞洲小姐係一個經典、有標誌性,點知馮雪冰突然自爆:「選咗亞姐7年,但係仍然未攞到后冠,獎品同埋獎金攞到,當年係一部車,后冠具體價值不清楚,因為亞視出現咗問題,所以搵唔到對口人,不過應該唔係太值錢,但自己都好想申請返一個,就算是道具都好,因為好有紀念價值。」

    今年31歲前亞姐冠軍馮雪冰

    亞視發言人曾醒明就話:「亞視考慮下月亞姐活動中,補番加冕后冠儀式!」

    另一方面,港姐出身嘅向海嵐,亦都有出席活動,佢話:「自己都做好多選美嘅評判,好高興亞姐係一個好經典嘅節目,有機會重生,所以今日嚟支持。自己之前幫亞視做主持嘅酬金都收齊晒,之後《今晚見》會改形式進行。」

     

     

     

    (apple daily)

    SHARE