藝人陳倩揚育有兩個囝囝，依家仲懷有第三胎佗B八個多月。雖然佢粗身大勢，但係都親力親為照顧兩個寶貝仔，真係位廿四孝好媽媽！
陳倩揚同老公陳浩然。
呢日陳倩揚屋企搞咗個小型派對，除咗有兩個囝囝之外，仲招呼一大班小朋友。倩揚仲親自下廚，專誠炮製一碟又一碟嘅日式章魚小丸子，氹得個個小朋友都非常開心。
每一粒都有滿滿嘅愛心。
倩揚喺社交網貼相大晒自己嘅作品，並留言：「一口氣整咗過百粒小丸子，多謝各位小朋友捧場。」相中見佢整嘢食有板有眼，而且啲小丸子嘅賣相了得，難怪啲小朋友食得咁滋味啦！
睇小朋友食得幾開心，就知好好味喇。
（on.cc）
