屢傳婚變嘅藝人王浩信（Vincent），現正努力投入工作。雖然今日係父親節，不過佢亦要赴美登台冇法陪屋企人。
王浩信同陳敏之去咗美國工作。
王浩信今朝喺I社交網貼相：「喺度祝大家父親節快樂既時候，我呢度既（嘅）父親節就仲未到，返到去嘅時候父親節就已經過完，2018我既（嘅）父親節消失係（喺）時差之中😱 又或者可以話係第一次最近距離同天父過🌟哈哈，致所有努力打拼嘅爸爸，父親節快樂！」
仲晒出當地沙灘相。
唔少網友都留言叫Vincent賺錢要加油，另外亦有人話雖然Vincent今年冇得喺香港過父親節，唔知佢之後又會唔會同屋企人補祝呢？
唔知王浩信之後又會唔會同太太陳自瑤與女兒補祝父親節呢？
(on.cc)
