【被爆之前已經…】舊愛曾PO文:只配嫁窮郎

    「佢當時仲讀緊書,冇乜錢,Jason每個月都有畀生活費佢,但之後女嘅入咗娛樂圈識咗個男仔,跟住就用Jason畀佢嘅錢買嘢送畀對方,男嘅都知Jason存在,咁Jason後來發現好hurt,就同佢分手。」


    24歲余香凝(Jennifer)同31歲陳家樂拍拖3年幾,曾共歷過車禍意外,男方更承諾照顧女方一生一世。但上周突然爆出余香凝疑貪新棄舊,與保險男高層許焯倫(Victor)過從甚密,陳家樂含淚認分手。

    日前《蘋果》讀者Mark(化名)爆料,指余香凝以前都試過一腳踏兩船,而當時嘅第三者正正就係陳家樂。讀者Mark透露余香凝喺學生時代與一名藥業公司老闆陳秋山(Jason)拍拖,據聞Jason瓣數好多,亦曾經開過娛樂公司,力捧周秀娜舊愛陳偉成(Avis),但之後結業。


    Mark話:「余香凝當時仲讀緊書,冇乜錢,Jason每個月都有畀生活費佢,但之後女嘅入咗娛樂圈識咗個男仔,跟住就用Jason畀佢嘅錢買嘢送畀對方,男嘅都知Jason存在,咁Jason後來發現好hurt,就同佢分手。」據讀者提供資料,余香凝17歲就同Jason拍拖,至2015年至分手;而余香凝與陳家樂就喺2014年拍港台劇《總有出頭天》時撻著,與Jason拍拖時間重叠。


    《蘋果》曾致電Jason,問係咪同余香凝拍過拖?佢略帶猶疑咁話:「….er….嘩,好耐嘅事嚟,(你哋係咪2015年分手?)唔…(因為佢同陳家樂一齊先分手?)咁敏感,唔好意思,我開緊會呀。」然後就匆匆掛線。而余香凝嘅經理人則表示:「唔回應。」

    而Jason嘅facebook已經刪晒同余香凝嘅合照,不過,2015年就有好多感慨留言,佢話:「性格決定命運,道德觀念這麼低,只配嫁窮郎。」、「愛情,沒有keep trying to win的門。至少,在我的世界裡沒有。」

    (蘋果日報)

    SHARE