於去年註冊結婚，當事人親自交代已婚消息，透露女方係個圈外人，因而冇立即將結婚一事向外公佈，望外界能夠諒解，並向粉絲道歉。。。
原名邊土名一茶嘅日本組合DA PUMP主音ISSA，被當地雜誌《女性Seven》踢爆去年秘婚，今日中午時份當事人ISSA親自交代已婚消息，透露女方係個圈外人，因而冇立即將結婚一事向外公佈，望外界能夠諒解，並向粉絲道歉。
33歲嘅ISSA早在1996年以DA PUMP成員身份出道，多年來先後跟上原多香子、宮澤理惠、柴咲幸、伊東美咲、藤井Lena等女星扯上關係，形象花弗嘅佢終於修心養性，低調娶任職化妝師嘅女友為妻。
其所屬事務所方面指，兩人於去年註冊結婚，女方現時未有懷孕。
DA PUMP近期憑新歌《U.S.A.》人氣回升，《女性Seven》報道指，ISSA太太貌似AKB48舊將大島優子，ISSA去年在東京買樓同另一半共築愛巢。
(蘋果日報)
