【時辰唔啱】雨僑:連續嘔咗三日

老公羅力威見到有冇嚇親?佢話:「有呀,佢一見唔對路就拎定膠袋喺度等我。」佢仲話有留意吳雨霏生仔嘅消息,好替對方開心,仲話自己都好期待盡快有呢一日。

雨僑今日到灣仔為奇妙電視旅遊節目《尋找高端美食》出席記者會,雨僑表示近日身體抱恙:「呢排不停咳,真係咳到嘔,連續嘔咗三日,最犀利係搵手揞住都可以喺手指罅度噴出嚟。」老公羅力威見到有冇嚇親?佢話:「有呀,佢一見唔對路就拎定膠袋喺度等我。」

嘔得咁密係咪有喜?雨僑話:「應該唔會喇 ,時辰唔啱,我拍旅遊節目都總共飛咗廿幾日,中間又拍劇,呢段時間我哋唔係好勤力。」不過佢話有留意吳雨霏生仔嘅消息,好替對方開心,仲話自己都好期待盡快有呢一日。講番節目,雨僑話分別到南非及澳洲拍攝,總共去咗24日:「當地食咗好多好嘢,鮑魚、生蠔同黑松露,最離譜係朝早第一餐就去食生蠔。」

早前雨僑喺新婚夜誤食老公隻「鎮山之寶」超大鮑魚,今次去到澳洲雨僑話已經買返隻同樣大細嘅鮑魚畀老公補數,佢話:「買咗同我上次食咗佢嗰隻一模一樣大,我喺當地已經即刻影相畀佢睇,佢好滿意。」

(蘋果日報)