【雙喜臨門】原來已經結咗婚佗B五個月!

    曾介入別人婚姻背負第三者惡名,在情路上兜兜轉轉,在人生低潮時前男友Simon出現,助她度過難關,可惜復合年多Simon疑偷食,二人再度分手,依家終於遇上Mr. Right,修成正果。。。


    李悅彤(Liddy)原名李婷,2014年介入導演彭順跟李心潔的婚姻,背負第三者惡名。

    李悅彤的圖片搜尋結果

    事隔不夠一星期遭逢家變,父親李德仁在啟晴邨槍擊案疑吞槍自殺,多重打擊令Liddy一度避開傳媒,絕迹網上。到同年8月佢貼出一張飲咖啡相,示意從新出發走出陰霾。


    前年11月,Liddy再戰幕前,同媽咪一齊拍攝有線旅遊節目《帶阿媽去旅行》,出發泰北拍外景。跟住佢間唔中都有出席電影首映增加曝光率,但幕前演出工作機會仍然不多。未幾又消聲匿跡。據知Liddy已經結婚,目前懷有約5個月身孕,不過Liddy暫時未有回應。


    已減少幕前演出嘅Liddy心廣體胖了不少,腹部更微微隆起,拍照時更下意識以手掩肚作保護。出身TVB擔任過「Sing之天使」「檸檬」嘅Liddy,日前仲大住個肚同一班天使劉俐、賈曉晨、林芊妤等出席去賀錢國偉同陳宛蔚囡囡百日宴,問到錢國偉可有恭喜Liddy結婚兼有B?佢話:「已經喺我BB嘅百日宴恭喜了她!」

    此外,近日Liddy在Instagram貼圖,宣佈籌備多時、名為「LDY生活館」的店舖已經正式進駐葵涌區。從照片所見,新店以出售家居日常用品為主。LDY相信是她英文名字的簡稱。佗B仲做埋老闆,真係雙喜臨門呀~

    其實Liddy在情路上兜兜轉轉,經過彭順小三事件後,在人生低潮時前男友Simon在Liddy身邊出現,助她度過難關,可惜復合年多Simon疑偷食,二人再度分手。之後Liddy再被指跟已婚澳門富商鮑偉業(Ivan)過從甚密,親暱逛街,但Liddy只承認對方為生意夥伴。

    (蘋果日報)

     

    SHARE