因《深宮計》帶挈之下，人氣大增密密接job，由商場活動到大陸騷陸續有來。不過，今日卻有周刊報道指，佢突然大屋搬細屋，唔住西灣臺1號豪宅，而搬咗去油塘喎，租金平一大截當然。
報道指，台灣富商顏志行同陳煒依家保持住朋友關係，感情竟更勝從前，報道仲話顏生想喺香港買樓俾陳煒，等佢可以住得舒服啲，但陳煒拒絕，理由係既然已經離咗婚，不拖不欠，唔想再靠對方，而家陳煒都係靠自己，為咗慳啲使，先至決定搬離現租住嘅西灣臺，搬去油塘。
顏志行與陳煒現已離婚 （資料圖片）
至於同前夫關係，報道話陳煒減少同對方見面，希望大家各自有番自己生活。之後陳煒接受周刊訪問，佢否認前夫送樓一事，但就稱兩人現屬朋友關係，有聯絡，但佢已經放低咗呢段感情，更揚言：「冇諗過要佢啲錢，一路以嚟都係靠自己！」
(apple daily)
