【上個月高調認愛】原來已經分咗手

2018-06-21

有指主因同男方「劈腿」兼「冇膽」有關，佢哋認愛後即傳出男方原來仲有個模特兒女友未斷尾，搞到佢無辜變「小三」，男方跟手就去咗上海工作，完全消失喺人前，令到女方要獨自面對認愛及疑似做小三嘅壓力。。。

呢個世代無論做乜嘢都要快，估唔到就連拍拖都可以快嚟快去，好似有「馬國女神」之稱現年28歲嘅林明禎咁樣，上個月先至認愛曾經合作過劇集《狼王子》嘅25歲小鮮肉張軒睿，拍拖未夠一個月，佢哋就已經分咗手！

呢段姊弟戀極速玩完，從林明禎近日喺社交網發文包括「沒有一句是實話」及「不想說傷害任何人的話」等已經暗露端倪，有指主因同張軒睿「劈腿」兼「冇膽」有關，佢哋認愛後即傳出男方原來仲有個模特兒女友未斷尾，搞到林明禎無辜變「小三」，男方跟手就去咗上海工作，完全消失喺人前，令到女方要獨自面對認愛及疑似做小三嘅壓力，知情人士指呢啲事加埋令到林明禎覺得張軒睿冇膽所以先至決心極速斬纜。