【仲未離婚】大方認愛小三:交往中

跟太太結婚18年並育有一子,前年男方被爆有個圈外小三,兩人已經同居,而佢與太太已經分居兩年。只因為贍養費未能達成協議,遲遲未同太太離婚,但佢被拍到繼續與小三交往,仲大方承認愛。。。


44歲嘅前日本組合SMAP成員森且行早於96年離隊,轉行做賽車手後成家立室,跟太太亞紀結婚18年並育有一子,前年森且行被爆有個圈外小三,兩人已經同居,而佢與太太已經分居兩年。

最新一期日本雜誌《女性SEVEN》就爆森且行因贍養費未能達成協議,遲遲未同太太離婚,但佢被拍到繼續與小三交往,仲大方承認愛。


據雜誌報道指,森且行與小三於本月中到新宿逛街,當時佢戴住口罩刻意與小三保持距離。森且行由於搞婚外情,早於四、五年前已與太太分居,亞紀亦對這段婚姻死心,只因為贍養費未能達成協議,仍未正式離婚,目前亞紀正在美國陪囝囝留學。雜誌記者亦走到濱松賽車場採訪森且行,佢承認仍未同太太正式離婚,由於太太唔喺日本,近日亦聯絡,離婚事宜未有進展,至於係咪因為贍養費問題?森且行話:「無可奉告。」當被問到同小三係咪交往中,佢就答:「嗯。」大方認愛。

(蘋果日報)