戀情早於兩年零兩個月前被公開，男方多年來女友多不勝數，不過冇一個拍得超過兩年，全部都只係兩年貨仔就宣告玩完，據知兩人早已開始半同居生活，拍拖逾兩年仍然十分癡纏，所以話唔定就係佢嘅真命天女。。。
日本混血模特兒森泉同和尚奉子成婚已榮升媽咪，其26歲名模胞妹森星都同42歲男星伊勢谷友介感情穩定，隨時拉埋天窗。
今期雜誌《Friday》拍得伊勢谷友介拖森星恩愛出巡，據知兩人早已開始半同居生活，今次拍得兩人恩愛拍拖，先在本月9日晚，伊勢谷同女友森星撐完枱腳後去便利店買雪糕，佢哋更大方地企定定任影。事隔三日，伊勢谷再拖森星離開愛巢，拍拖逾兩年仍然十分癡纏。
伊勢谷同森星嘅戀情早於兩年零兩個月前被公開，男方多年來女友多不勝數，包括廣末涼子、吉川日奈、長澤正美等，不過冇一個拍得超過兩年，全部都只係兩年貨仔就宣告玩完，所以森星話唔定就係伊勢谷嘅真命天女。
(蘋果日報)
