【同羅天宇分手之後】湯洛雯突然PO文暗示⋯

藝人湯洛雯(靚湯)與羅天宇早年因拍《愛·回家》而撻着,不過兩人拍拖四年始終未能開花結果,喺去年底因相處上有問題而分手。

分手後,靚湯曾講過復合機會唔大,不過佢近日似乎仲為舊情而煩惱,喺IG限時動態以台灣天王周杰倫嘅歌曲歌詞:「你還是住在我的回憶裡(裏) 不出來 讓我們微笑離開 讓故事留下來 放手後 愛依然在 雪融了 就應該花開 緣若盡了 就不該再重來」抒發鬱悶情感。

雖然靚湯分手後表現風騷,頻頻大解放晒水着相,更公開表示歡迎追求者,不過話晒佢同羅天宇都有四年情,要完全放低都要啲時間嘅~

(on.cc東網)