【扮阿姐】傳被飛出節目:如果我同佢哋唔啱,家燕姐娶新抱都唔會請我

    因節目入屋受到觀眾歡迎,收視成績不錯,主持們都視節目為一塊「肥豬肉」。而該藝人早前亦曾為節目擔任主持,但有指她遭投訴態度差不禮貌,「扮阿姐」拒絕對稿因不合作而被飛出節目。
    Image may contain: 12 people, people smiling, people standing
    她接受訪問回應有關傳言,她否認說:「我冇扮阿姐喎!(係咪唔對稿呀?)唔係呀,從來唔會,『阿姐』係家燕姐!話我態度唔好?家燕姐、黎小田同曹永廉(阿廉)可以做人證,如果我同佢哋唔啱,家燕姐娶新抱都唔會請我。」湯記又解釋離開節目全因為與曹永廉拍檔:「本身我同阿廉係一Pair嘅,咁佢要離隊去拍劇,我都做咗呢個節目成年啦,本來我只係做四集咋,無綫想搵番合約藝人陳敏之同胡諾言,加上我又要籌備新歌,所以咪停一停囉。」

    傳出負面消息可有不開心?她說:「咁又冇,如果監製再搵我,我時間許可可再合作。」她又說跟節目台前幕後都好好好朋友常約食飯,現時等曹永廉返港,一眾人會再約飯局。

    湯寶如(湯記)仲成日約台前幕後食飯添!

    而一直為無綫節目《流行經典50年》擔任主持的薛家燕亦否認:「湯記冇耍大牌,我哋合作得好愉快,佢係要做佢嘅大碟嘢,曹永廉就要拍劇,冇辦法做落去,之前大家都諗唔到做咁耐,所以公司先安排另一Pair主持入嚟。」曹永廉則說:「一定唔會,湯記好好,我哋不知合作得幾開心。」而後來加入的陳敏之則表示未有聽過此傳言:「我只知曹永廉去拍《包青天再起風雲》,湯記我就唔知,可能換就一齊換。」

    一睇就知相處融洽啦!

     

    今早她再於社交網再回應事件,表示已離開該節目三個月:「人在做,天在看!我已經離開三個月了,做這個節目一年多了,真的不明白三個月後拿出來講,還要主持人和工作人員忍受我扮大牌,不對稿一年多 😆真是很荒謬,但多謝家燕姐打來的安慰 阿廉和小田哥的問候。和其他朋友的支持,十分感謝!
    Image may contain: 1 person, smiling, standing, night and indoor(圖片:湯寳如Facebook)

    真是做得很開心也捨不得,無論台前幕後工作人員也相處融洽!真心的多謝TVB給我這個機會! #嘴巴在人家 #我知邊個做 #我信有報應 #冇功都有勞

     

     

     

    (on.cc)

    SHARE