女星劉嘉玲、謝君豪、秦沛、導演毛俊輝、監製梁李少霞等到新蒲崗為英皇舞台劇《奪命証人》綵排，活動上台前幕後宣布加開5場，合共演出15場。問嘉玲對加場是否感開心？她表示：「未到開心嘅階段，仲係好大壓力，未算熟習到啲對白，緊張到失眠。」嘉玲表示角色戲中有戲，要為三個角色做出層次感，坦言仍有點亂，正努力學習做身體語言，又向形體老師學習，在家中亦不時上演「分身術」。
老公想演舞台劇
問老公梁朝偉有否陪對戲？嘉玲說：「我唔想勞煩佢，佢就咁讀冇戲㗎。（偉仔都有興趣演舞台劇？）佢都有興趣，仲話綵排嚟探班，我話未排晒唔好，佢話想每個階段都睇。（偉仔演你陪佢演？）我想睇佢同謝君豪，但唔排除會同佢演。」
唔開口讚畀Like
提到昨日為對方慶祝生日，嘉玲表示只是食餐飯，問到是否有機會二人世界？她表示：「佢屋企人一齊食，我送咗蛋糕畀佢，佢豎起手指公話好。（開口讚你？）佢唔會講出嚟。」
據了解，蛋糕會以帆船當造型，是因為上個月香港舉辦春季帆船賽，首次參賽的梁朝偉便勇奪亞軍。在比賽之前，梁朝偉更自爆自己對帆船是「一試鍾情」。
為老公暫代經理人的她，問到是否電話接不停？她說：「好多人打嚟應徵，幫佢篩選緊，都有工作搵上門。（偉仔放完長假？）佢抖到9月要拍戲。（你又諗放長假？）我唔慣放長假，最多都係一星期到十日就要開工。」
(on.cc東網)
