爆出佢未婚懷孕，並計劃生完B後就跟男友結婚，公開大肚照，有指已經陀B 6個月，因為個肚好大，所以有網民就猜測佢陀雙胞胎，現時專心養胎嘅佢突然刪除晒佢IG嘅所有帖文，僅留下。。。
韓劇《有品位的她》嘅31歲女星李泰林，今年3月突然喺Instagram留言指自己因為活喺痛苦中而暗示要退出演藝圈，事後就爆出佢未婚懷孕，並計劃生完B後就跟企業家男友結婚，而佢同原本所屬嘅事務所亦已解約。到5月時有韓媒就公開李泰林嘅大肚照，當時有指李泰林陀B 6個月，因為個肚好大，所以有網民就猜測佢陀雙胞胎，而李泰林亦有留言指自己決心要過平凡嘅生活，但唔會忘記所有喜歡過佢嘅人。
而到噚晚韓媒就報道，現時專心養胎、預產期喺9月嘅李泰林突然刪除晒佢Ig嘅所有帖文，僅留下佢5月時指自己決心過平凡生活嘅留言，而李泰林仲連自己嘅簡介都刪掉，似乎佢決心離開演藝圈，唔想再以藝人身份曝光。
(蘋果日報)
