生咗喇！
38歲嘅方皓玟（小明），去年4月同日籍男友安田慎吾入紙申請結婚，同年10月喺九展舉行演唱會時，當被問到會否同老公盡快造人，佢仲話未有計劃，但會順其自然，點知話咁快就喺年尾傳來喜訊，佢透過社交平台展示BB超聲波照片，並留言「感謝上天給我的禮物，it’s a boy.」宣布一索得男陀B仔。
小明預產期本來係今年7月，不過《蘋果》今日收到讀者報料，話喺東京都墨田區嘅立墨都病院，見到小明老公同家人，仲話小明已經喺噚日生咗BB。
今日《蘋果》聯絡小明求證，佢透過短訊回覆親證已經生B，而且母子平安，不過就話好攰，「BB出左世啦！重6磅，但我很累需要休息，多謝大家的關心。」
(蘋果日報)
