【抱住囡囡Chant周圍影相】方媛孖老公郭富城又擺酒?

天王郭富城(城城)結婚同榮升爸爸後,每次提起老婆同個女都冧滋滋,同以往對私事絕口不提嘅態度嚟一個180度大轉變。

日前網上流傳一批城城返內地擺酒嘅相,相中見城城滿場飛,而老婆方媛就做佢背後嘅女人。城城周圍見人就敬酒,見到賓客舉機影相仲笑晒口擺Pose,一啲天王架子都冇,仲表現得好興奮!

老婆就默默做背後嘅女人!

任影唔嬲~

 

其中一張相仲見到城城由老婆傍住抱BB,賓客都上前圍觀,父愛滲晒出嚟呀!

城城抱B樣勁有愛!

 

不過就未知今次城城係為囡囡Chant補擺滿月酒定係補擺結婚酒,淨係見社交網嘅地標係內地嘅蕪湖市,即係城嫂方媛嘅家鄉。唔少粉絲見到係真身城城,仲出Post呼朋喚友前去集郵,天王魅力可見一斑!

周圍敬酒~

 

飲酒冇Say No!
企定定Yeah晒!

 

 

(ON.CC)