杜汶澤突然留言話暫停出糧，直到另行通知。原來佢將成副身家…
世界盃16強開波，第一日就有兩大球王阿根廷美斯同葡萄牙C朗分別作賽，開波前相信好多人都會諗，點都會有一位球王殺入8強啩！點知世事無絕對，兩位球王齊齊出局，可以join埋一齊搭飛機離開俄羅斯。唔少鍾意睇波嘅明星都話勁失望，當中最爆嘅要數杜汶澤，佢喺社交網話當年好支持阿根廷，自從馬納當拿退役佢都冇乜點樣再睇波，點知尋晚飲大咗將成副身家（即係公司所有伙計嘅成個月人工）買咗阿根廷贏，結果當然係輸咗啦！
杜汶澤（資料圖片）
佢仲宣佈暫停出糧直到另行通知，講到咁佢真係輸好多喎！不過唔出糧屬犯法行為，相信杜汶澤都係講吓笑啫。
（on.cc）
