【張繼聰大讚一對仔女】妹妹張靖好努力…

藝人謝安琪同張繼聰嘅一對仔女,張瞻同張靖一向都好乖,哥哥仲好錫妹妹添!
張瞻 張靖的圖片搜尋結果

(資料圖片)

最近阿聰喺網上上載一段張瞻教妹妹講數字嘅片,片中見到張瞻拎住本書好有耐性教妹妹讀英文數字one to ten,張靖就好努力咁跟住哥哥讀。

仲拎住本書教妹妹讀英文數字!

 

張靖勁投入,好可愛呀!

 

最後張瞻仲拍掌鼓勵佢一齊Yeah,真係好有愛呀!

成功之後拍晒手,Yeah!

 

難怪阿聰都留言大讚:「好老師,好學生。」

另外,張瞻亦都分享一段佢頂波嘅片,見佢擺咗個氣球,之後佢再頂個波向個氣球,球技了得,動靜皆宜,網民都話仔仔同囡囡都咁乖,阿聰同老婆謝安琪可以放心喇!

張瞻文又得,「武」又得,玩埋頂波!
犀利!

張繼聰同謝安琪一定好安慰!

 

 

 

(on.cc)