【細佬?細妹?】梁詠琪:Sofia就唔會咁寂寞

睇到Gigi望住個女已經會笑得好開心,佢依家真係好享受家庭生活,不過佢曾經同朋友講過,話。。。

梁詠琪(Gigi)喺5月頭完成演唱會後,佢同西班牙籍老公Sergio帶埋個女Sofia返咗巴塞隆拿探親,順道喺嗰邊放假造人,佢兩公婆一直想追多一個小朋友,o依家個女都已經3歲,佢哋希望可以追多一個仔,今次返去老公家鄉放長假,佢哋會放到8月底先返香港,希望可以成功搞掂返嚟!

Gigi今日喺社交平台放咗喺巴塞隆拿一間餐廳歎美食嘅相出嚟,照片中仲見到囡囡Sofia扮鬼靈精,好鬼識搶鏡。

睇到Gigi望住個女已經會笑得好開心,佢依家真係好享受家庭生活,不過佢曾經同朋友講過,話Sofia如果有個細佬或細妹咁會好啲,有個差唔多年紀嘅弟妹陪佢就唔會咁寂寞,所以佢兩公婆好努力想造人。

(蘋果日報)