啲人成日話女兒係爸爸前世嘅情人，小編就覺得係哥哥嘅前世情人至啱！藝人張繼聰喺社交網上載咗段同大仔張瞻一齊鬥吸引力嘅短片，而目標就係佢個女張靖，片中見到佢同大仔出盡法寶引張靖注意，大仔仲問妹妹：「你要哥哥定爸爸？」
雖然見到細女兩邊都有猶豫，但最後都係揀咗哥哥，搞到張繼聰灰到碌晒地，佢仲搞笑留言：「比賽過程峰迴路轉，補時階段，右方被絕殺，賽後雙方表情各異。」
唔少網友大讚大仔好乖巧，好愛錫妹妹，繼之前教妹妹以英文讀數字一至十後，再次展示兄妹愛，真係夠晒溫馨！
(on.cc東網)
【因為囡囡竟然會…】張繼聰真係好傷心
