三人工作都非常忙碌，所以就算有聚會都會經常少咁一個。呢日佢哋終於都齊腳啦，仲約埋一齊玩煮飯仔添。其實阿田同翠如都好想試下佢嘅手勢，所以甚少下廚嘅佢決定大獻身手，炮製滷水雞翼，而另外兩餸一湯，就由入得廚房出得廳堂嘅田蕊妮一手包辦。
呢個係阿田嘅。
湯都係阿田喎！
佢哋三個一邊食一邊合照，期間Natalie更親自餵翠如食愛心雞翼，真係好warm呀！
雖然翠如全程淨係識食，完全冇幫過手。
藝人唐詩詠（Natalie）、田蕊妮（阿田）同黃翠如不嬲好好感情
但佢都相當識做，喺社交網留言賣晒口乖，大讚阿田係煮飯強人，仲話Natalie嘅「唐氏滷水雞翼」有超市級水準添。而阿田亦有力撐Natalie，話佢有做好老婆嘅潛質：「佢真係好啱做老婆！有邊個想娶佢可以PM我！」
阿田大讚Natalie好啱做老婆，邊個有興趣就PM佢。
(on.cc)
