藝人高海寧、黃長興、吳家樂、張名雅及阮兒等現身油塘，為無綫新劇《BB來了》宣傳，席間一眾男演員被安排「裝肚」玩遊戲，相當搞笑！
「大肚」黃長興席間脫去上衣，露岀「麒麟臂」。提到半年操肌過程，練成42吋巨胸，他坦言辛苦：「要好有紀律，日日做運動都忽視咗家人，不過呢個係我踏入四十歲畀自己嘅目標。作為一個男演員，身材好拍劇都有用，不過嚟緊可以放鬆少少，或者1星期做兩、三次健身啦！」而操肌期間由於腰患問題，他去看中醫敷藥，豈料事後曬燈，背肌即起大遍水泡，然後脫皮，狀甚恐怖！
他無奈表示：「可能係中藥同太陽油產生化學問題。我訂咗機票專程去泰國影相留念，後來都要攝影師就位，依家要等佢慢慢好番先得！」
談到扮大肚，長興表示雖然已有兩個小朋友，但仍希望再追：「想生孖胎，太太話佢有遺傳基因呀。」
(on.cc)
