今集《美女廚房》請來三對孖妹組合，大鬥厨藝。有一對竟然破曬記錄，第一輪回合已經拎到負65分！
首輪料理三對組合齊齊挑戰炸豬手與龍蝦湯，衛蘭與衛詩的作品被指似足菲律賓菜，龍蝦湯反而似羅宋湯，加上衛蘭大晒靚聲畀評審邊聽歌邊品嘗，成功搶得高分。
真．姊妹衛蘭、衛詩。
仲有《愛．回家》姊妹花呂慧儀、蘇韻姿。
反觀有「靚湯」之稱的湯洛雯，卻炮製出味似洗潔精的龍蝦湯，成功令現場一共七位評審齊齊激嘔，「靚湯」招牌被拆，首輪已得負65的低分可算創下紀錄！
食到嘔！
被指撞樣的湯洛雯與倪晨曦靚就靚喇，煮嘢就…
第二輪，六位美女更要挑戰指定食材田雞，眾女捉田雞時已被嚇到花容失色頻頻尖叫，呂慧儀與蘇韻姿的田雞疑似不夠熟，劇中阿叔單立文落足力為二人拉票，一眾男評審都佩服兩女徒手捉田雞送上同情分，最終第二輪仍不夠湯洛雯與倪晨曦追回分數，以負12分成為「地獄女廚神」組合！
（on.cc），
