【黃昏戀修成正果】新娘子吳香倫哽咽感觸

廣告

62歲嘅陳榮峻(原名陳榮基)去年底喺無綫職工盆菜宴上,向拍拖3年嘅58歲女友吳香倫求婚成功,「黃昏戀」修成正果。

一對新人今日喺中環堅島香港天主教聖母無原罪主教座堂舉行婚禮,約下午1點半左右,一對新人坐住火紅色平治房車抵達教堂,陳榮峻先落車,之後就開門畀太太落車,相當有風度。見吳香倫着住件米色拖尾婚紗,有個女仔幫佢拖住個尾,同陳榮峻一齊行去車頭畀傳媒影相。

廣告

今日唔少藝人到場祝賀,好似洪永城、余慕蓮、阮兆祥、林敬剛、羅蘭、袁潔儀、陳美琪、梁舜燕等等。而陳美琪就喺儀式上為一對新人讀經。

現場有一本小冊子

宣讀許諾時,吳香倫一度哽咽感觸,之後兩人交換戒指,台下親友歡呼拍掌,新郎哥幫新娘子揭頭紗後,男方親吻太太,新娘子就合十謝意。接下來一對新人簽署結婚證書,未簽前吳香倫已用紙巾拭淚及抺鼻。一對新人喺台上時,陳榮峻更不時細心照顧太太一舉一動,又幫太太整理拖尾婚紗,出席婚禮嘅賓客於台下唱詩歌,場面神聖感動。

一對新人於教堂內行禮。

(apple daily)

廣告