【四代同堂出席婚禮】陳榮峻安慰:我已經係你老公

廣告

陳榮峻同吳香倫(Helen)行禮後步出教堂,接受各親友祝福合照,並與陳榮峻嘅一對龍鳳胎Jessica同阿聰、長子陳穎霖、兩個孫、93歲媽咪嫲嫲影全家福,十分溫馨。

廣告

廣告
陳榮峻一對龍鳳胎Jessica同阿聰、長子陳穎霖

新郎哥接受訪問開心話:「專登揀呢間教堂,因為自己覺得呢間教堂最壯嚴。」問到新娘簽紙時十分感動,Helen坦言:「係呀,我真係好感動,冇諗過可以咁多朋友同我分享喜悅,唔知係我感動佢哋,定係被佢哋感動到,控制唔到喊,係咁流淚。」老公則安慰冧爆話:「唔需要咁激動嘅,依家簽咗紙,你已經係我老婆,我已經係你老公。」

廣告

問到今早有冇特別儀式?陳榮峻表示:「冇呀,今朝都係揸架花車去太太嗰邊樓下,然後上去斟茶畀媽咪飲。」Helen則說:「今日天公造美,交通好暢順,好感恩。」陳榮峻跟亡妻所生嘅子女全都到場,見證爸爸再婚,陳榮峻表示:「仔女辛苦過我哋,因為要幫我哋頻樸。」太太話:「都辛苦大女Jessica為我哋打點,大女對我特別細心同照顧,好似今朝我可能有啲緊張喉嚨痕,佢即刻攞喉糖畀我食。」
雙方家人齊出席婚禮

廣告

好多圈中好友都有出席

一對新人透露稍後到地中海度蜜月,陳榮峻透露:「最初太太都想顧及馬來西亞fans,但嗰邊fans又多人又多,都冇時間二人世界,平日乜都係太太話事,今次由我做主,決定去地中海度蜜月。」Helen即刻讚老公:「係一個好好選擇。」兩人將於14日凌晨出發,享受十日蜜月之旅。

今日除了陳榮峻嘅家人到齊之外,哥哥都在紐西蘭回港做證婚人,仲有一批親友喺英國返嚟,笑言:「如果佢哋唔返嚟,我哋就可以去英國,Helen都有好多親友喺美國、加拿大、泰國、中山、廣州返嚟飲呢餐,真係好開心好感恩。」

 

(apple daily)