日前爆出向翻撻幾星期女友求婚成功，仲極速訂婚。男方昨日於社交網Instagram大方晒二人黑白合照兼寫情信冧未來老婆，親身證實喜訊！
二人拍拖僅數星期。
佢於文中向Hailey大大聲示愛：「我真係好愛你，承諾用我餘生去了解你每一部分，耐心同善良咁愛你…我個心徹底同完完全全都係你嘅，我會永遠以你為先！你係我一生中最愛，Hailey Baldwin，我唔會想同其他人過人世。」而Justin於文中亦有講到有關信仰嘅啟示，表明會讓上帝引領生活嘅決定，更自爆求婚日期為7月7日，而7字於佢所信嘅宗教就正正代表完美。Justin嘅「情信」獲大批圈中好友Like爆，老友柏德烈史釗活（Patrick Schwarzenegger）更搞笑留言問：「咁我係做花仔定…？」人氣童星Millie Bobby Brown都有祝賀！
24歲加拿大天王Justin Bieber21歲名模Hailey Baldwin
至於Hailey亦有於社交網留言回應消息：「唔知我成世做咗咩，值得有咁樣嘅幸福，但我好感激上帝，畀我一個咁不可思議嘅人同我分享人生，無言語可以表達到我有幾感恩。❤」
黑白相都Feel到冧到爆！
二人近期不時影下Sweet相！
（on.cc）
