太陽娛樂文化老闆周焯華（洗米華）嘅老婆陳慧玲(洗米嫂)最近就開咗間花店，據知花店就係老公打本俾佢開，花店除咗賣花，主力係做網上訂購，地舖就連埋出售健康果汁同健康輕食，如沙律同蛋糕，令客人置身花叢中有High tea感覺。
3嵗善潼都有幫媽咪手，好乖！
洗米嫂要發展自己事業外，都花好多時間照顧一對寶貝女，仲會不時喺社交網度貼同囡囡嘅sweet sweet相。
越大越似媽咪喇！仲越來越有性格添！
但今日佢就上載咗一條好火爆嘅短片，短片嘅主角就係今年得3歲嘅細女周善潼（Damiana），片中就見到着住家居服嘅Damiana拎住一仲毛巾仔。
3歲嘅善潼拎住毛巾仔叫家姐出街要梳頭，勁搞笑(ig圖片)
講到激動時，仲手指指…(ig圖片)
講完佢就掉頭走，媽媽留言話笑死(ig圖片)
好勞氣咁話：「你下次要梳頭喇，你點可咁樣…成日…你日日都係呀…家姐，你出街嗰時…下次要梳頭㗎喇…」講完佢就掉頭走，鏡頭外就聽到洗米嫂笑得好開心，但Damiana就完全冇理，自顧自咁講完就掉頭走。
（短片來源：洗米嫂ig）
咁洗米嫂嘅朋友睇完段片都不禁留言：「好得意」、「俾妹妹笑死」、「哈哈哈哈 妹妹bibibaba講咩 有啲聽唔到」，亦有人提醒家姐周梓潼：「下次見到BB前要梳一梳頭髮，以免BB咁激動」。
雖然妹妹好似同家姐有少少爭執，但其實佢哋兩姐妹其實係好好感情！不過下次家姐要梳返個頭先喇！😄😄😄
（洗米嫂ig/apple daily）
