傳媒致電恭喜他，佢透露暫定9月中註冊，正式日期未確定：「我哋都係補番註冊步驟，婚宴等BB出世之後再搞，想安排得好啲，唔想太急。註冊嗰日冇特別儀式，可能食個飯，冇打算請圈中人觀禮，定咗婚宴先請圈內外朋友。」BB將於9、10月出世，仔女到時才公布：「日子同註冊近，所以比較尷尬，好多嘢安排唔切，但我希望名份上做番先，唔可以賴貓，我覺得咁樣舒服啲，因為我個人比較傳統同老土。」
Dash揚言唔瞓都要做，要畀太太安穩生活。（受訪者提供）
37歲樂隊Mr.成員Dash（譚健文）上月在社交網公布女友有喜，今日被記者發現喺婚姻登記處發現兩人擬結婚通知書，Dash未婚妻Joan現年29歲，任職飲餐部主管。
問到點解唔早啲註冊？Dash坦言：「因為突然之間有好消息，我屋企又唔係大，要裝修間房，我同屋企人住，間房係讀書年代瞓到依家。」Dash嘅未婚妻係澳門人，所以香港同澳門都要搞住嘅地方：「香港租屋住好貴，澳門就租咗地方，我覺得抵租，萬幾蚊租到過千呎單位舊樓，但香港可能萬幾蚊得幾百呎。自己會頻撲兩邊走，但起碼太太同BB生活地方會好啲，出世後太太同BB初段時間喺澳門，因為太太喺澳門有工作，放完產假會繼續做嘢。」
Dash自言係傳統男人，bb出世前要娶老婆。（受訪者提供）
記者讚佢太太好好，唔使有樓揸手都肯嫁，Dash表示：「我哋都想置業，始終依家香港買樓負擔大，自己咁多年死慳死抵儲到筆錢，早兩年前買咗好細單位投資用，但就真係未付擔到住，依家唔瞓都要做，起碼等太太覺得安穩啲。」
（apple daily）
