兩人在百貨公司嘅甜品部選購心頭好，而佢都一向愛食甜嘢，有圈中人就話佢同女方拍拖後，好多時都係由女方話事，真係超Sweet呀！
日本男星林遣都今年憑住大熱劇《大叔的愛》人氣急升，唔少觀眾都視佢同劇中飾演春田嘅好拍檔田中圭係HeHe情侶，由於林遣都飾演嘅牧凌太既可愛又細心，所以Modelpress早前公佈嘅「18年春季日劇最令人心動男子」排行榜，林遣都扮演嘅阿牧以4,762票登上冠軍，仲成為多個電視頒獎禮嘅最佳男配角大熱。
咪睇27歲嘅林遣都斯文又柔弱，其實佢本身係個百份百直男，上年佢就同年長9歲嘅女星中村友理被爆姐弟戀，兩人到澀谷約會斷正，而今日出版嘅新一期《週刊女性》，又拍得林遣都日前同女友合體外出，兩人在百貨公司嘅甜品部選購心頭好，而近日留鬚嘅林遣都一向愛食甜嘢，有圈中人就話佢同中村友理拍拖後，好多時都係由女方話事。
36歲嘅中村友理出生於韓國，1998年曾以歌唱組合YURIMARI身份入行，翌年解散即轉型成女演員，目前正拍攝山崎賢人、上野樹里合演嘅富士電視台新劇《Good Doctor》。
(蘋果日報)
