【之前被爆同黃宗澤…】陳嘉桓承認:5點先走

    長腿妹陳嘉桓(Rose)到旺角出席活動,笑指自己食相「呃到人」:「可能一般好味嘅,人哋睇住我食,以為真係好好味,我又比較男仔頭,朋友叫我『恒仔』,因為『桓』同『恒』字形似,大家成日叫錯!」

    問有否試過緋聞男友黃宗澤手勢?她大方回應:「有,大班人上佢屋企開派對。(話你泊架車喺佢樓下幾日,過埋夜喎?)嗰排世界盃,睇完波凌晨4、5點先走,咁都算過夜嘅,走我一定揸走架車,可能係時間上嘅誤會,佢屋企嗰啲人都可以揸車去㗎(即訪客車位多)。」

    冇單獨約會

    她指與黃宗澤太熟,未感到對方追求之意,但當問到對方是否她「那杯茶」?Rose笑說:「呢類型係唔錯。(考驗吓佢先?)同行大家明白大家嘅,不過我真係冇諗,依家keep弗成功,想做吓嘢先。(咁大班人個個唔傳只傳你喎。)唔知呀,可能(記者)淨係見到我。(再去佢屋企?)佢唔喺香港,況且世界盃完咗啦。」似乎好清楚黃宗澤行蹤。

    當被問到是否與黃宗澤保持聯絡時,陳嘉桓即謂:「咁我仲有好多朋友可以交流溝通嘅,唔只佢一個。(其實有冇試過單獨約會?)冇,一大班人食飯㗎。」

    (on.cc東網)

    SHARE