由細碼變到加大碼嘅張繼聰，唔只老婆謝安琪（Kay）受惠，囡囡張靖（Karina）都「有嘢玩」！
尋晚阿聰就喺Instagram上載咗張相，就係佢要陪Karina玩公仔，見佢拎住兩隻毛公仔，晒出飛毛腿，網民問佢除咗大隻咗，隻腳係咪都長咗！
付出當然有回報啦，之後佢就上載一段片，見到Karina一支箭跑去攬住爸爸投懷送抱，真係超Sweet！
阿聰就冧爆話：「我就係佢最大果（嗰）隻毛公仔❤」點知曾經講過老公爭抱輸晒畀全家嘅Kay，就「踩場」宣示主權，留言神回：「但係我係佢最鍾意嗰隻」，完美K.O張繼聰！
「最大」同「最鍾意」呢，係兩樣嘢嚟㗎！
(on.cc東網)
