型男余文樂（樂仔）最近喺日本東京開設自家時裝品牌概念店，老婆王棠云同屋企人齊齊到場力撐，不過樂嫂繼續低調，淨係喺大合照見到佢現身。平時正正經經嘅佢，原來都有搞笑一面，佢仲成功打入余家，同樂仔妹妹打成一片，仲喺社交網晒搞笑合照，一反斯文大方嘅形象。
見佢自己Instagram淨係上載單人照，點知一去到樂仔妹妹Ig就變咗開心果，嘟起嘴仔賣萌，又手指指晒燦爛笑容，幾咁活潑。
之後佢又同有份到場撐樂仔嘅陳奕迅、徐濠縈、杜如風等合照，真係融入家中又融入朋友圈，掂晒！
(on.cc東網)
【罕有曝光】樂嫂王棠云確係掂！
