陳志雲在理工大學賽馬會綜藝館舉行演嘢會，在8時20分開騷，一開始由王喜身穿機師制服出場，與小朋友及其他舞蹈員又跳又唱主題曲，期間坐在椅子上、身穿軍人制服的陳志雲在上面吊下來一起合唱，之後兩人在台上演戲，一唱一和。
講到開工與開拖，王喜向陳志雲說：「我邊有同人開過拖，我同你拍過拖咋嘛！」陳志雲即謂：「啋，發夢啦！」
曾任無綫總經理的陳志雲寸爆無綫，對無綫句句夭心夭肺，他與王喜先笑無綫個個都是「總經理」，又笑無綫高層多，但出事時就冇人擔遮。陳志雲又謂今時今日承認睇無綫需要出櫃的勇氣，王喜又叫觀眾舉手，睇吓過去24小時睇無綫多過1分鐘，但得4個人舉手。王喜叫陳志雲返去無綫做，但陳志雲說：「唔想製作低品味節目，唔想TVB死喺我手上。」觀眾大笑。
陳志雲的演嘢會完畢後與王喜接受訪問，講到明明是個人騷，但全程兩人都一起演出，陳志雲表示：「一直都話係同佢一齊，唔係單獨。」而講到他在台上寸爆無綫，他即謂：「唔係，講吓笑啫，我真心仲係好熱愛TVB，TVB對香港係好多貢獻，依家競爭環境難咗好多，但我希望大家共存共榮，唔好互相排斥，一台獨大對香港傳媒業唔係好事，對TVB都唔係好事，冇競爭冇話題就冇人睇，大家應該互相支持，尤其是依家面對嘅市場係整個大中華市場，仲有台灣、日本、韓國。」
而講到陳志雲與王喜拍了「結婚片」，陳志雲表示：「呢個唔係真，條橋係我諗，我諗完問王喜介唔介意做呢件事，佢就冇所謂，我覺得既然大家有呢個遐想，好多人都話王喜係我嘅partner，事實上唔係，但既然大家咁諗，我哋咪英式幽默，自己攞番出嚟滿足大家幻想。」他又讚王喜是好編劇和導演，希望對方早日能成為導演。
在演嘢會中提及有人出1千萬請陳志雲拍劇，他表示：「唔係假嘅，當日我哋喺酒店食嘢，對方好誠意邀請，但係佢有佢講，我冇乜出過聲，我諗我係冇答佢，佢當我推咗咋嘛。」
(ON.CC)
